ന്യൂഡൽഹി: ഇന്ത്യക്കെതിരെ ഭീഷണിയുമായി വീണ്ടും ഖലിസ്താൻ ഭീകരൻ രംഗത്ത്. ഹമാസിന് സമാനമായ രീതിയിൽ ഇന്ത്യയെ ആക്രമിക്കുമെന്നാണ് ഭീഷണി. കാനഡയിലുള്ള ഖലിസ്താൻ ഭീകരൻ ഗുർപത്വന്ത് പന്നുവിന്റേതാണ് ഭീഷണി. വീഡിയോ സന്ദേശത്തിലൂടെയാണ് ഇയാൾ ഭീഷണി മുഴക്കിയത്.

സിഖ് ഫോർ ജസ്റ്റിസ് തലവനാണ് ഗുർപത്വന്ത് പന്നൂൻ. 2020 ജൂലൈയിൽ ആഭ്യന്തരമന്ത്രാലയം ഇയാളെ ഭീകരനായി പ്രഖ്യാപിച്ചിരുന്നു.ഇന്ത്യയിലെ പഞ്ചാബിലെ അമൃത്‌സറിന് അടുത്തുള്ള ഖാൻകോട്ട് ഗ്രാമത്തിലാണ് ഗുർപത്വന്ത് ജനിച്ചതും വളർന്നതും. സിഖുകാർക്കെതിരായ മനുഷ്യാവകാശ ലംഘനങ്ങൾ ആരോപിച്ച് ഇന്ത്യൻ ഉദ്യോഗസ്ഥർക്കും സ്ഥാപനങ്ങൾക്കുമെതിരെ അന്താരാഷ്ട്ര കോടതികളിൽ കേസുകൾ ഫയൽ ചെയ്യുന്നതിലും ഗുർപത്വന്ത് പന്നൂൻ പങ്കാളിയാണ്. പഞ്ചാബിൽ മൂന്ന് രാജ്യദ്രോഹക്കുറ്റങ്ങൾ ഉൾപ്പെടെ 22 ക്രിമിനൽ കേസുകൾ ഇയാളുടെ പേരിൽ രജിസ്റ്റർ ചെയ്തിട്ടുണ്ട്.