By Newskeralalive Am Update
യുഡിഎഫ് ഇന്നലെ നടത്തിയ സെക്രട്ടറിയേറ്റ് ഉപരോധത്തിൽ പൊലീസ് കേസെടുത്തു. പ്രതിപക്ഷ നേതാവ് വി ഡി സതീശനെ ഒന്നാം പ്രതിയാക്കി, കണ്ടാലറിയാവുന്ന മൂവായിരം പേർക്കെതിരെയാണ് കേസ്. കന്റോമെന്റ്റ് പൊലീസാണ് കേസെടുത്തത്. വഴി തടസ്സ പ്പെടുത്തിയതിനും, അനുമതിയില്ലാതെ മൈക്ക് ഉപയോഗിച്ചതിനുമാണ് കേസ്.
ആഘോഷപൂർവം സ്വീകരണം നൽകിയെങ്കിലും വിഴിഞ്ഞത്ത് എത്തിയ ആദ്യ കപ്പലിലെ ക്രെയിനുകൾ ഇറക്കുന്നതിൽ അനിശ്ചിതത്വം. കപ്പലിലെ ജീവനക്കാരായ ചൈനീസ് പൗരന്മാർക്ക് ബർത്തിലേക്ക് ഇറങ്ങാനുള്ള അനുമതി ഇനിയും കിട്ടാത്തതാണ് കാരണം. ഇമിഗ്രേഷൻ ക്ലിയറൻസിനായി അദാനി ഗ്രൂപ്പും സംസ്ഥാന സർക്കാരും സമ്മർദ്ദം ശക്തമാക്കി.
മലയാളി മാധ്യമപ്രവര്ത്തക സൗമ്യ വിശ്വനാഥിന്റെ കൊലപാതക കേസിൽ പ്രതികള്ക്ക് ജീവപര്യന്തം തടവ് ശിക്ഷ ലഭിക്കുമെന്നാണ് പ്രതീക്ഷിക്കുന്നതെന്ന് സൗമ്യയുടെ പിതാവ്. പ്രതികളെ കുറ്റക്കാരെന്ന് കോടതി കണ്ടെത്തിയതില് തൃപ്തിയുണ്ടെന്നേ പറയാനാകൂ. മകള് മടങ്ങിവന്നാലേ സന്തോഷമായി എന്ന് തനിക്ക് പറയാനാകൂ എന്നും പിതാവ് പറഞ്ഞു.
ശബരിമലയിലേക്ക് അലങ്കരിച്ച് വരുന്ന വാഹനങ്ങൾക്കെതിരേ നടപടി സ്വീകരിക്കണമെന്ന് ഹൈക്കോടതി. പുഷ്പങ്ങളും ഇലകളും വെച്ച് വാഹനങ്ങൾ അലങ്കരിക്കാൻ പാടില്ലെന്നും ഇത് മാട്ടോർ വാഹന ചട്ടങ്ങൾക്ക് വിരുദ്ധമാണെന്നും ഹൈക്കോടതി ചൂണ്ടിക്കാട്ടി.
കേരളീയം പരിപാടിയുടെ ഭാഗമായി മുഖ്യമന്ത്രി പിണറായി വിജയനുമായി വിദേശവിദ്യാര്ഥികള് ഒത്തുകൂടുന്നു. ഇന്ന് വൈകിട്ട് അഞ്ചുമണിക്ക് കനകക്കുന്ന് പാലസ് ഹാളിലാണ് കൂടിക്കാഴ്ച.
കൂടത്തായി കൊലപാതക കേസിലെ വിചാരണ നിര്ത്തിവെയ്ക്കണമെന്ന് ആവശ്യപ്പെട്ടുള്ള ഹര്ജി സുപ്രീംകോടതി ഇന്ന് പരിഗണിക്കും. വിചാരണ നിര്ത്തിവെയ്ക്കണമെന്നും കുറ്റപത്രം റദ്ദാക്കണമെന്നുമാണ് മുഖ്യപ്രതി ജോളിയുടെ ആവശ്യം. കേസില് നിന്ന് കുറ്റവിമുക്തയാക്കണമെന്നാണ് ജോളിയുടെ ആവശ്യം.
കരുവന്നൂർ കള്ളപ്പണ ഇടപാട് കേസില് രണ്ട് പ്രതികളുടെ ജാമ്യാപേക്ഷ കോടതി ഇന്ന് പരിഗണിക്കും. ഇഡി രജിസ്റ്റര് ചെയ്ത കേസിലെ രണ്ടും മൂന്നും പ്രതികളായ പിആര് അരവിന്ദാക്ഷന്, സികെ ജില്സ് എന്നിവരുടെ ജാമ്യാപേക്ഷയാണ് എറണാകുളം പിഎംഎല്എ കോടതി പരിഗണിക്കുന്നത്.
തൃപ്പൂണിത്തുറയിലെ നിയമസഭാ തിരഞ്ഞെടുപ്പ് ചോദ്യം ചെയ്ത് നല്കിയ ഹര്ജി ഹൈക്കോടതി ഇന്ന് പരിഗണിക്കും. യുഡിഎഫ് സ്ഥാനാര്ത്ഥി കെ ബാബുവിന്റെ തിരഞ്ഞെടുപ്പ് ചോദ്യം ചെയ്ത് എല്ഡിഎഫ് സ്ഥാനാര്ത്ഥി എം സ്വരാജ് നല്കിയ ഹര്ജിയാണ് ഹൈക്കോടതിയുടെ പരിഗണനയിലുള്ളത്.
അന്തരിച്ച ചലച്ചിത്ര നടൻ കുണ്ടറ ജോണിയുടെ (71) സംസ്കാരം ഇന്ന്. കൊല്ലം കാഞ്ഞിരോട് സെന്റ് ആന്റണീസ് ഫെറോന പള്ളിയില് വൈകിട്ട് മൂന്നിനാണ് സംസ്കാരം. ചൊവ്വാഴ്ച രാത്രിയായിരുന്നു ജോണി അന്തരിച്ചത്.
മാധ്യമ സ്ഥാപനമായ ന്യൂസ് ക്ലിക്കിന്റെ മേധാവികള് നല്കിയ അപ്പീല് സുപ്രിംകോടതി ഇന്ന് പരിഗണിക്കും. എഡിറ്റര് പ്രബിര് പുര്കായസ്തയും എച്ച്ആര് മാനേജര് അമിത് ചക്രബര്ത്തിയുമാണ് ഹര്ജിക്കാര്. ഇരുവരുടെയും അറസ്റ്റും റിമാന്ഡും ശരിവെച്ച ഡല്ഹി ഹൈക്കോടതി വിധി ചോദ്യം ചെയ്യുന്നതാണ് അപ്പീല്. രാജ്യത്തെ സ്കൂള് വിദ്യാര്ഥികള്ക്ക് ഏകീകൃത തിരിച്ചറിയില് നമ്പര് വരുന്നു. ദേശീയ വിദ്യാഭ്യാസ നയത്തിന്റെ ഭാഗമായിട്ടാണ് പരിഷ്ക്കാരം. ഇതുസംബന്ധിച്ച നിര്ദേശങ്ങള് കേന്ദ്രം സംസ്ഥാനങ്ങള്ക്ക് നല്കിയെന്നാണ് വിവരം.
കേന്ദ്രസര്ക്കാര് ജീവനക്കാര്ക്ക് അധിക ഡിഎ അനുവദിച്ച് കേന്ദ്രമന്ത്രിസഭ. പെന്ഷര്കാര്ക്ക് ഡിയര്നെസ് റിലീഫും അനുവദിച്ചു. കേന്ദ്ര ശമ്പള കമ്മിഷന് ശുപാര്ശ അനുസരിച്ചാണ് തീരുമാനം.
ഹമാസ് ആക്രമണത്തിന് പിന്നാലെ അമേരിക്കൽ പ്രസിഡന്റ് ജോ ബൈഡൻ ഇസ്രയേലിൽ. പശ്ചിമേഷ്യ സംഘർഷഭരിതമായി നിൽക്കെ ഇസ്രയേലിന് പിന്തുണ പ്രഖ്യാപിക്കാൻ പറന്നെത്തിയ അമേരിക്കൻ പ്രസിഡന്റ് ജോ ബൈഡനെ പ്രധാനമന്ത്രി ബെഞ്ചമിൻ നെതന്യാഹു നേരിട്ടെത്തി സ്വീകരിച്ചു. ഗാസയിൽ അഞ്ഞൂറിലേറെപ്പേർ കൊല്ലപ്പെട്ട ആശുപത്രി ആക്രമണം ഇസ്രയേൽ നടത്തിയതാണെന്ന് കരുതുന്നില്ലെന്ന് അമേരിക്കൻ പ്രസിഡന്റ് ജോ ബൈഡൻ അഭിപ്രായപ്പെട്ടു.
ഇസ്രയേല്–ഹമാസ് യുദ്ധത്തെ അപലപിക്കുന്ന പ്രമേയത്തെ വീറ്റോ ചെയ്ത് അമേരിക്ക. യുഎന് സുരക്ഷാ സമിതിയില് അവതരിപ്പിച്ച പ്രമേയത്തെയാണ് അമേരിക്ക വീറ്റോ ചെയ്തത്. ഗാസയില് സഹായമെത്തിക്കണമെന്ന പ്രമേയം ബ്രസീല് ആണ് അവതരിപ്പിച്ചത്. ഈ പ്രമേയമാണ് അമേരിക്ക വീറ്റോ ചെയ്തത്. പ്രമേയത്തെ യുഎന് സുരക്ഷാ സമിതിയിലെ 12 അംഗങ്ങള് അനുകൂലിച്ചു. റഷ്യയും ബ്രിട്ടണും വിട്ടുനിന്നു.
ലോകകപ്പിൽ ഇന്ന് ഇന്ത്യ ബംഗ്ലാദേശിനെ നേരിടാൻ ഒരുങ്ങുമ്പോൾ പോയിന്റ് പട്ടികയിൽ ഒന്നാം സ്ഥാനം തിരിച്ചുപിടിക്കുകയാണ് ഇന്ത്യയുടെ ലക്ഷ്യം. അഫ്ഗാനിസ്ഥാനെ തോൽപ്പിച്ചതോടെ ന്യുസീലൻഡാണ് പോയിന്റ് ടേബിളിൽ ഒന്നാം സ്ഥാനത്ത്. ഏഷ്യാ കപ്പിൽ ഇന്ത്യയെ തോൽപ്പിച്ച ആത്മവിശ്വാസം ബംഗ്ലാദേശിനുണ്ട്.